17.11.10 அன்று தமிழகத்தில் குர்பானி கொடுக்கப்பட்டதா?

தமிழ்நாடு தவ்ஹீத் ஜமாஅத் – காஞ்சி மேற்கு மாவட்டம் சார்பாக இந்த ஆண்டு 42 மாடுகள் குர்பானி கொடுக்கப்பட்டன.

பல்லாவரம், ஈஸ்வரிநகர், அனங்காபுத்தூர் ஆகிய கிளைகள் தனியாக 15 மாடுகள் குர்பானி கொடுத்தனர். குர்பானிக்காக அருகில் இருக்கின்ற மாவட்டங்களுக்கும் சேர்த்து மொத்தம் 185 மாடுகள் வேலூர் மற்றும் அதன் சுற்றுப்புறங்களில் வாங்கப்பட்டு லாரிகளில் கொண்டு வரப்பட்டன. கொண்டுவரும் போது மாட்டின் மீது மாடுகளே ஏறி மிதித்ததில் 16.11.10 அன்று ஒரு மாடு மிகுந்த கவலைக்கிடமான நிலையை அடைந்தது.

நிலைமையை அறிந்த மாவட்ட நிர்வாகிகள் அந்த மாட்டை 16.11.10 அன்றே அறுத்தனர். அந்தக் கறி ஏழைகளுக்கு அன்றே விநியோகிக்கப்பட்டது. அதைத் தொடர்ந்து அடுத்த நாள் கொண்டு வரப்பட்ட மாடுகளில் 17.11.10 அன்று 6 மாடுகள் கவலைக்கிடமான நிலையை அடைந்தன. அந்த 6மாடுகளையும் 17.11.10 அன்றே அறுத்து விட்டனர்.

இது போன்று நூற்றுக்கணக்கான மாடுகளைக் கட்டி லாரிகளில் கொண்டு வரும் போது சில மாடுகள் இவ்வாறு கவலைக்கிடமான நிலையை அடைவது அனைவரும் அறிந்த ஒன்று தான்.

பிராணிகள் இத்தகையை நிலையை அடைந்தால் என்ன செய்ய வேண்டும் என்று மார்க்கம் நமக்குத் தெளிவான வழிகாட்டுதலைத் தந்துள்ளது.

حدثنا إسحاق بن إبراهيم سمع المعتمر أنبأنا عبيد الله عن نافع أنه سمع ابن كعب بن مالك يحدث عن أبيه أنه كانت لهم غنم ترعى بسلع فأبصرت جارية لنا بشاة من غنمنا موتا فكسرت حجرا فذبحتها به فقال لهم لا تأكلوا حتى أسأل النبي صلى الله عليه وسلم أو أرسل إلى النبي صلى الله عليه وسلم من يسأله وأنه سأل النبي صلى الله عليه وسلم عن ذاك أو أرسل فأمره بأكلها قال عبيد الله فيعجبني أنها أمة وأنها ذبحت تابعه عبدة عن عبيد الله

2304 கஅப் பின் மாலிக் (ரலி) அவர்கள் கூறியதாவது:

சல்உ எனுமிடத்தில் மேயக்கூடிய சில ஆடுகள் எங்களுக்குச் சொந்தமாக இருந்தன. அந்த ஆடுகளில் ஒன்று சாகும் தறுவாயில் இருப்பதை எங்கள் அடிமைப்பெண் பார்த்துவிட்டு, ஒரு கல்லை (கூர்மையாக) உடைத்து, அதன் மூலம் அந்த ஆட்டை அறுத்தார். நபி (ஸல்) அவர்களிடம் இதுபற்றி நான் கேட்காத வரை சாப்பிடாதீர்கள்! என்று நான் கூறினேன். நபி (ஸல்) அவர்களிடம் கேட்டதற்கு அதை சாப்பிடுமாறு கூறினார்கள்.

நபி (ஸல்) அவர்களிடம் இது பற்றி நான் கேட்காத வரை என்பதற்கு பதிலாக நபி (ஸல்) அவர்களிடம் இது பற்றி நான் ஆளனுப்பிக் கேட்காத வரை என்றுகூட கஅப் (ரலி) அவர்கள் சொல்லியிருக்கலாம்! என்று அறிவிப்பாளர் (ஐயப்பாட்டுடன்) கூறுகிறார்.

ஓர் அடிமைப்பெண் இவ்வாறு ஆட்டை அறுத்திருப்பது எனக்கு வியப்பை அளிக்கிறது! என்று உபைதுல்லாஹ் (ரஹ்) அவர்கள் கூறுகிறார்கள்.

சாகும் தருவாயில் இருந்த ஆட்டை அதன் உரிமையாளரின் அனுமதி இல்லாமல் அடிமைப் பெண் அறுத்திருக்கிறார். அதை நபிகள் நாயகம் ஸல் அவர்கள் கண்டிக்கவில்லை. அதை உண்ணவும் அனுமதித்துள்ளனர்.

இந்த அடிப்படையில் கவலைக்கிடமாக இருந்த மாடுகளை நமது சகோதரர்கள் முன்கூட்டியே அறுத்தனர்.

இந்த 6 மாடுகளில் இருந்து அறுக்கப்பட்ட கறியை நங்கநல்லூர் பகுதியில் சுன்னத் ஜமா-அத்தை சேர்ந்த குர்பானியில் பங்கு சேர்ந்த நபர்கள் குர்பானி பங்குக்குரிய கறியை 17.11.10 அன்றே கேட்டதால் அந்த பகுதியில் கறி விநியோகம் செய்யப்பட்டுள்ளது.

அந்தக் கறியை விநியோகம் செய்த மாவட்ட நிர்வாகிகள் முந்தய நாளே அறுக்கப்பட்ட கறியை குர்பானியில் பங்கு சேர்ந்த பங்குதாரர்களுக்கு கொடுக்கப்பட்டது இது குர்பானி ஆகுமா? என்று ஆலோசனை செய்த போது, அது குர்பானி ஆகாது. அதை தர்மமாகத் தான் கணக்கிட வேண்டும் என்று சக மாவட்ட நிர்வாகிகளே பேசி கூடி முடிவெடுத்ததன் அடிப்படையில், 18.11.10 அன்று பெருநாள் தொழுகைக்குப் பிறகு 42மாடுகள் காஞ்சி மேற்கு மாவட்டத்தின் சார்பாக குர்பானி கொடுக்கப்பட்டன.

18.11.10 அன்று பெருநாள் தொழுகைக்கு முன்பாக அறுக்கப்பட்ட ஏழு மாடுகளும் குர்பானி அல்லாமல் ஏழைகளுக்காக வழங்கப்பட்டவை என்றும் அந்த 7மாடுகளுக்குரிய பணம் நமது ஜமாஅத்திற்கு நஷ்டம் ஏற்படாத வகையில் அந்த நஷ்டத்திற்கு தானே பொறுப்பேற்று எனது சொந்தப் பணத்தை வழங்கிவிட்டதாக மாவட்ட செயலாளர் அப்துல்காதர் அவர்கள் தெரிவித்தார்.

மேலும் இறக்கும் தருவாயில் இருந்த ஒரு மாட்டை 16.11.10 அன்று அறுத்தோம். அதையும் ஏழைகளுக்காகத் தான் வழங்கினோம். இந்தப் பொய்யன் கூட்டம் அதையும் சவூதியை கணக்குப் பண்ணி நாம் குர்பானி கொடுத்தோம் என்று ஃபித்னா செய்தாலும் செய்வார்கள். இந்தப் பொய்யன் கூட்டத்திடம் அனைவரும் எச்சரிக்கையோடு இருக்கும் படி அவர் கேட்டுக் கொண்டார்.

இந்த விஷயத்தை தங்களுக்குச் சாதகமாக பயன்படுத்திக் கொண்ட பொய்யன் கூட்டம் தங்களுக்கே உரிய தனிபாணியில் (அது தான் பேனை பெருமாளாக்குவது என்று சொல்வார்களே! அந்தப் பாணியில்) அண்டப் புளுகுகளை அவிழ்த்து விட்டுள்ளனர்.

இப்படி பொய் சொல்வதையே வழக்கமாகக் கொள்ளாவிட்டால் பொய்யன் ஜமாஅத் என்ற நற்பெயரை எப்படி தக்க வைத்துக் கொள்வதாம்?

இந்த பொய்யர்களிடத்திலிருந்து நம்மையும் நம் சமுதாயத்தையும் வல்ல இறைவன் காப்பானாக!