மஹாராஷ்டிர மாநிலம் துலே பகுதி கலவரம், உண்மையை கண்டறியும் குழுவின் குற்றச்சாட்டு அறிக்கை – The Hindu செய்தி!

செய்தி வெளியிடப்பட்ட நாள் Tuesday, January 22, 2013, 20:20

சமீபத்தில் ஜனவரி 6 அன்று மஹாராஷ்டிர மாநிலத்தில் உள்ள துலே என்னுமிடத்தில் நடந்த கலவரம் குறித்து ஹிந்து பத்திரிக்கையில் வெளியான செய்தி: இந்த கலவரம் குறித்து உண்மை கண்டறியும் குழு விசாரித்து தனது அறிக்கையில் வெளியிட்டுள்ளது. இதில் முஸ்லிம்கள் திட்டமிட்டு தாக்கப்பட்டுள்ளதாக கூறப்பட்டுள்ளது.

தி ஹிந்து செய்தி

http://www.thehindu.com/news/states/other-states/factfinding-team-alleges-deliberate-targeting-of-muslims-in-dhule/article4320438.ece?homepage=true#.UPo75MbPNW8.email

கருத்தாக்கம்

திட்டமிட்டு குறிவைத்து தாக்கப்பட்ட துலே முஸ்லீம்கள் – உண்மையை  கண்டறியும் குழுவின் குற்றச்சாட்டு அறிக்கை 

ஜனவரி 6 அன்று மஹாராஷ்டிர மாநிலத்தில் உள்ள  துலே என்னுமிடத்தில் நடந்த ஒரு கலவரத்தில், முஸ்லீம்களை காவல் துறையினர்  குறி வைத்து தாக்கியதன் உண்மையை கண்டறிய சில சமூக ஆர்வலர்கள் சம்பவம் நடைபெற்ற இடத்திற்கு சென்றனர் . இந்த துப்பாக்கி சூட்டில் 6 பேர் கொல்லப்பட்டனர். கொல்லப்பட்ட அனைவரும் முஸ்லீம்கள்.
ஒரு உணவுக் கடை உரிமையாளருக்கும், ரிக்ஷாகாரருக்கும் ஏற்பட்ட வாய்த்தகராறில் ஆரம்பித்து ஹிந்து முஸ்லீம் கோஷ்டி மோதலாக வெடித்து கை கலப்பு முதல் கல் வீச்சு வரை சென்றுள்ளது. காவல் துறையினர் வேடிக்கை பார்க்க , சுமார் 35 முஸ்லிம்களின் குடும்பங்களின் வீடுகளில் இருந்த பொருட்களை சூறைஆடிவிட்டு அவ்வீடுகளுக்கு தீ மூட்டி கறித்துள்ளனர்  இந்த கொடும்பாவிகள் .

இது அனைத்தும் நடந்து அறங்கேறியது  மனிதநேயமற்ற  காவல்துறையின் கண்களுக்கு முன்னால் என்பதை ஜீரணிக்க முடியவில்லை. காப்பாற்றவில்லை என்றாலும் கூட பரவாயில்லை , ஆனால் இந்த காவல் துறையினரும்  இந்து கலவரகாரகளுடன் சேர்ந்து தங்கள் பங்காக முஸ்லிம்களை கண்மூடி தனமாக சுட்டு தள்ளி உள்ளனர் என்று  சமூக ஆர்வலர்களின் உண்மையை கண்டறியும் குழுவில் இடம்பெற்றிருந்த  ஷப்னம் ஹாஷிமி , பேராசிரியர் ராம் புனியானி , மற்றும் அபூர்வானந் நடந்த சம்பவத்தை ஆய்வு செய்து  டில்லியில் தகவல் அறிக்கையை  வெளியிட்டுள்ளனர்  .

அந்த  தகவல் அறிக்கையில் மேலும்  கூறியிருப்பதாவது, “காவல் துறையினர், கலவரத்தை கட்டுக்குள் கொண்டு வருவதற்கு எந்த வித அறிவிப்போ  ,தடியடியோ அல்லது கண்ணீர் புகை குண்டு வீசுவதோ போன்ற எந்த ஒரு முயற்சியையும் செய்யாமல், துப்பாக்கி சூட்டை நடத்தியுள்ளது. அனைத்து தோட்டாக்களும் முட்டிக்கு மேல், வயிறு, மார்பு, கழுத்து, முதுகு மற்றும் முகம் போன்ற பகுதிகளில் சுடப்பட்டுள்ளன” ,அதே சமயம் இந்து  மக்கள் தரப்பில் வெறும் நான்கு வீடுகள் மட்டுமே சேதபட்டன.

அரசு தரப்பில், “காவல் துறையினர் , தங்களது தற்காப்புகாகவே துப்பாக்கி சூடு நடத்தினார்கள் என்றும், இந்த மோதலின் போது கொடூர இராசயனங்களால் காவல் துறையினரை  தாக்கியதாகவும், இதில் 159 காவல் துறையினர்  பலத்த காயமடைந்து மருத்துவமனையில் அனுமதிக்கப்பட்டனர்” என்று கூறப்பட்டிருந்தது. ஆனால், உண்மையில் “18 காவல்துறையினர் மட்டுமே மருத்துவமனையில் அனுமதித்திருந்ததும், மேலும் இவர்களுக்கு பெரிய விதமான எந்த தாக்குதலுக்கும் இவர்கள் உள்ளாகவில்லை” என்று உண்மையை  கண்டறியும் குழுவின் அறிக்கை தெரிவிக்கிறது.

இந்த உண்மையை  கண்டறியும் குழுவின்  தகவல் அறிக்கை படி, “அதிகப்படியான காவல்துறையினர் துலே முஸ்லீம்களின் மீது தாக்குதல் நடத்தியதாகவும், கலவரத்தை கட்டுக்குள் கொண்டு வருவதற்குன்டான பொதுவான சட்ட திட்டங்களை தவறவிட்டதாகவும்” தெரிவிக்கப்பட்டுள்ளது. மேலும், “துலே பகுதியின் கலெக்டர் மற்றும் உதவி துணை ஆணையர் ஆகிய இருவரையும் பணியிடை நீக்கம் செய்யக்கோரியும், அப்பாவி மக்களை கொன்று சொத்துக்களை நாசமாக காரணமான காவல்துறையினரை  விசாரிப்பது, அப்பாவி மக்கள் கொல்லப்பட்டது, காயத்திற்குள்ளாக்கியது, போன்ற வழக்குகளுக்கு உடனடியாக முதல் தகவல் அறிக்கை (FIR) பதியுமாரும், குற்றவாளிகள் அல்லாதவர்களுக்கு நிதியுதவி மற்றும் மறுசீரமைப்பு திட்டத்தை அறிவிக்குமாறும்” அந்த சமூக ஆர்வளர்களின்  உண்மை கண்டறியும் குழுவின் தகவல் அறிக்கை கேட்டுக்கொண்டுள்ளது.

Print This page