பசு வதை தடை சட்டத்திற்கு தடை விதிக்க கோரி மாநில ஆளுநரிடம் கர்நாடக TNTJ மனு!

கர்நாடக பகுதி TNTJ வின் துணைத்தலைவர் சுலைமான், செயலாளர் முஹம்மத் கனி, பெங்களுரு மாவட்டத் தலைவர் சித்திக், பெங்களுரு மாவட்ட செயலாளர் சலீம், மைசூர் மாவட்டத் தலைவர் ஷம்சுத்தீன் மற்றும் டும்கூர் மாவட்டத் தலைவர் தாஜ் உள்ளிட்டோர் கர்நாடக மாநில ஆளுநர் திரு: H.R. பரத்வாஜ் அவர்களை கடந்த திங்கள் 23.03.2010 அன்று நேரில் சந்தித்து கர்நாடகத்தி்ல் பசு வதை  தடைச் சட்டத்திற்கு தடை விதிக்க கோரி மனு வழங்கினார்கள்.

சந்திப்பின் துவக்கத்தில் தாம் ஒரு பாதி முஸ்லிம் என்று பெருமையுடன் தெரிவித்த ஆளுளர், தவ்ஹீத் தான் இஸ்லாத்தின் ஜீவா நாடி என்றும், இதனை பெருபான்மையான முஸ்லிகள் விளங்காமல் இருகிறார்கள் என்றும் தெரிவித்தார். இந்திய சுதந்திரப் போரில் முஸ்லிம்களின் பங்கை பற்றியும், முகலாயர்களின் ஆட்சியில் ஹிந்துக்கள் பாதுகாப்பாக இருந்தனர் என்றும், நபிகள் நாயகம் ( ஸல்) அவர்கள் விதைத்த இஸ்லாம் தான் அரப் தேசம் மற்றும் ஒட்டு மொத்த உலகத்தின் அறியாமை இருளை நீக்கியது என்றும், இஸ்லாம் எவ்வாறு தீண்டாமையை ஒழித்துக்கட்டியது என்றும் வரலாற்று ஒளியில் பட்டியல் இட்டார். மேலும் நபிகள் நாயகம் ( ஸல்) அவர்களின் வாழ்கையில் நடந்த போர்கள் தான் ஜிஹாத் என்றும், இன்றைய நடைமுறையில் சில இளைநர்கள் இதை தவறாக புரிந்து வைத்துள்ளார்கள் என்றும் கூறினார்.

கர்நாடகாவில் ஏழை எளிய ஹிந்துக்கள், கிருஸ்த்துவர்கள் மட்டும் இஸ்லாமியர்கள் மாட்டிறச்சியை மட்டுமே புசித்து வருகின்றனர். மேலும் வறுமைக் கோட்டுக்கு கீழ் உள்ள மக்களுக்கு இன்றைய விலை வாசியில் இது மட்டுமே அன்றாட உணவாக இருந்து வருகிறது.
இந்த அடிப்படையை கூட விளங்காத எடியூரப்பாவின் அரசு தற்போது பசு வதை தடை சட்டம் கொண்டு வர முனைப்பு காட்டுவது மிகவும் கண்டிக்கத்தக்கது.
இந்த முட்டாள் தனமான சட்டத்தை ஒரு போதும் அனுமதிக்கக்கூடாது என்றும் அவ்வாறு மீறினால் இது அத்தியாவிசய பொருட்களின் விலை உயர்வுக்கு காரணமாகிவிடும் என்றும் எடுத்துரைக்கப்பட்டது.
இதே கருத்தை பிரதிபலித்த ஆளுநர், பசு வதை தடை ஏழைகள் வயித்தில் அடிப்பதை போன்றது என்று தெரிவித்தார். இந்த பரிசீலனையை தாம் நிராகரிக்கப் போவதாகவும், மேலும் இது ஒரு போதும் சட்டமாக்கப்படாது என்றும் நம்பிக்கை அளித்தார்.